ಪುಣೆ: ಶಿವಾಜಿ ಮಹಾರಾಜರ ಕನಸಿನ ಭಾರತವನ್ನು ನಿರ್ಮಿಸುವ ಜವಾಬ್ದಾರಿ 140 ಕೋಟಿ ಭಾರತೀಯರ ಮೇಲಿದೆ ಮತ್ತು ಕೆಲವೊಮ್ಮೆ, ನಮ್ಮ ‘ಸ್ವರಾಜ್ಯ’ವನ್ನು ರಕ್ಷಿಸಲು ಹೋರಾಡುವ ಅವಶ್ಯಕತೆಯಿದೆ ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಹೇಳಿದ್ದಾರೆ. ಇದಕ್ಕೆ ಉದಾಹರಣೆಯಾಗಿ ಅವರು ಆಪರೇಷನ್ ಸಿಂದೂರ್ ಅನ್ನು ಉಲ್ಲೇಖಿಸಿದ್ದಾರೆ.
ರಾಷ್ಟ್ರೀಯ ರಕ್ಷಣಾ ಅಕಾಡೆಮಿಯ ಆವರಣದಲ್ಲಿ ಮಹಾನ್ ದೇಶಭಕ್ತ ಮತ್ತು ಮರಾಠಾ ಹೆಮ್ಮೆಯ ಸಂಕೇತವಾದ ಶ್ರೀಮಾನ್ ಬಾಜಿರಾವ್ ಪೇಶ್ವೆ ಅವರ ಪ್ರತಿಮೆಯನ್ನು ಅನಾವರಣಗೊಳಿಸಿ ಮಾತನಾಡಿದ ಅಮಿತ್ ಶಾ, ‘ಸ್ವರಾಜ್ಗಾಗಿ ಹೋರಾಡುವ ಅಗತ್ಯವಿದ್ದಾಗ, ನಾವು ಹೋರಾಡಿದೆವು. ಸ್ವರಾಜ್ ಅನ್ನು ಸಂರಕ್ಷಿಸಲು ಹೋರಾಡುವ ಅಗತ್ಯವಿದ್ದರೆ, ನಾವು ಹೋರಾಡುತ್ತೇವೆ. ಆಪರೇಷನ್ ಸಿಂದೂರ್ ಇದಕ್ಕೆ ಒಂದು ಉದಾಹರಣೆಯಾಗಿದೆ. ಆದರೆ ಸ್ವರಾಜ್ ಜೊತೆಗೆ, ಶ್ರೇಷ್ಠ ಭಾರತದ ಕಲ್ಪನೆಯು ಶಿವಾಜಿ ಮಹಾರಾಜರ ಪರಿಕಲ್ಪನೆಯನ್ನು ಸಹ ಒಳಗೊಂಡಿದೆ’ ಎಂದರು
ಇಡೀ ವಿಶ್ವದಲ್ಲಿ ನಾವು ನಂಬರ್ ಒನ್ ಆಗಿರುವ ಭಾರತ ಸೃಷ್ಟಿ ನಮ್ಮ ಗುರಿಯಾಗಿರಬೇಕು. ಇದಕ್ಕಾಗಿ ಪ್ರಯತ್ನ, ಸಮರ್ಪಣೆ ಮತ್ತು ತ್ಯಾಗವನ್ನು ಪ್ರೇರೇಪಿಸುವ ವ್ಯಕ್ತಿತ್ವವಿದ್ದರೆ, ಅದು ಶ್ರೀಮಂತ್ ಬಾಜಿರಾವ್ ಪೇಶ್ವೆ ಎಂದು ಅವರು ಹೇಳಿದರು.
ಪ್ರಧಾನಿ ಮೋದಿ ಅಭಿವೃದ್ಧಿ ಮತ್ತು ಪರಂಪರೆಯ ಸೂತ್ರವನ್ನು ನೀಡಿದ್ದಾರೆ. ನಮ್ಮ ಸಾವಿರ ವರ್ಷಗಳ ಹಳೆಯ ಸಂಸ್ಕೃತಿಯಲ್ಲಿ ನಮಗೆ ಸ್ಫೂರ್ತಿ ನೀಡುವ ಅನೇಕ ವ್ಯಕ್ತಿಗಳಿದ್ದಾರೆ. ಅವರ ಇತಿಹಾಸವನ್ನು ಇಂದಿನ ಯುವಕರಿಗೆ ನೀಡಬೇಕಾಗಿದೆ. ಎಂದ ಅಮಿತ್ ಶಾ, ಬಾಜಿರಾವ್ ಎಂದಿಗೂ ತನಗಾಗಿ ಹೋರಾಡಲಿಲ್ಲ. ಅವರು ದೇಶ ಮತ್ತು ಸ್ವರಾಜ್ಯಕ್ಕಾಗಿ ಹೋರಾಡಿದರು. ತಮ್ಮ 40 ವರ್ಷಗಳ ಜೀವನದಲ್ಲಿ, ಅವರು ಅನೇಕ ಶತಮಾನಗಳವರೆಗೆ ಯಾರೂ ಬರೆಯಲು ಸಾಧ್ಯವಾಗದ ಅಮರ ಇತಿಹಾಸವನ್ನು ಬರೆದಿದ್ದಾರೆ ಎಂದು ನೆನಪಿಸಿದರು.
ಮೂರು ಸಶಸ್ತ್ರ ಪಡೆಗಳ ಮುಖ್ಯಸ್ಥರು ತರಬೇತಿ ಪಡೆದು ಪದವಿ ಪಡೆಯುವ ರಾಷ್ಟ್ರೀಯ ರಕ್ಷಣಾ ಅಕಾಡೆಮಿಯಲ್ಲಿ ಶ್ರೀಮಂತ್ ಬಾಜಿರಾವ್ ಅವರ ಪ್ರತಿಮೆಯನ್ನು ಸ್ಥಾಪಿಸುವುದರಿಂದ ಬರುವ ಸ್ಫೂರ್ತಿ, ಯಾರೂ ಭಾರತದ ಗಡಿಗಳನ್ನು ಮುಟ್ಟಲು ಸಾಧ್ಯವಿಲ್ಲ ಎಂದು ಖಚಿತಪಡಿಸುತ್ತದೆ ಎಂದು ಅವರು ಪ್ರತಿಪಾದಿಸಿದರು.